Lakehouse Theatre Company

Einangrun

Einangrun er samskotsverk úr smiðju Leikhópsins Lakehouse þar sem raðað er saman ljóðum, örsögum og stuttum leikþáttum. Ellefu höfundar hvaðanæva af landinu lögðu til efnivið og úr varð 30 mínútna verk er birtist okkur í óvenjulegu umhverfi – á flugvöllum í fjórum landshlutum - í flutningi Guðmundar Inga Þorvaldssonar leikara og tónlistarmanns. Við lifum á öld samskipta á stafrænum vettvangi en á sama tíma einkenna einmanaleiki og depurð líf alltof margra. Deilum við raunverulega gleði og sorg með hvert öðru? Leikhúsið er listform sameiningar og hér er hinn kynngimagnaði kraftur sviðslistanna nýttur til hugrenninga um einangrun í öllum sínum myndum. Hvað er það sem einangrar okkur, frá hverju og hvers vegna? Leikhópurinn Lakehouse hefur á undanförnum árum vakið verðskuldaða athygli fyrir sýningar sínar Rejúníon og Í samhengi við stjörnurnar. Hópurinn sækist eftir því að veita fjölbreyttum röddum hljómgrunn og kallaði eftir efni frá skáldum í öllum landshlutum við undirbúning sýningarinnar. Lakehouse vill með þessu verki heiðra íslenska trúbadorinn, sögumanninn eða shamaninn sem glæðir samverustundir þorpsbúanna lífi með tilfinningaþrungnum frásögnum sínum, ádeilu, háði og kímni.

The Earth Has Many Keys

Jaðarlönd

Klúbburinn: Svefnpokatónleikar

Yfirtökusería Klúbbsins: Dragsúgur

Yfirtökusería Klúbbsins: Heimstónlistarveisla

Yfirtökusería Klúbbsins: Isle of Games

Yfirtökusería Klúbbsins: Reykjavík Ensemble

Listagjöf til þjóðarinnar

Listagjöf í Reykjavík

Meira Ástandið 

Fjarvera

Porous Tomorrow

Listafólk

Viðburðir

Önnur verkefni