Steinunn Knúts-Önnudóttir

Fjarvera

Verkið er unnið í samstarfi við 5 gestgjafa, þversnið af íbúum Reykjavíkur.
Þú ert gestur á raunverulegu heimili ókunnugrar manneskju sem er fjarverandi. Á heimilinu bíða handskrifuð bréf sem leiða þig áfram, vekja spurningar, leggja fyrir þig verkefni, kynna þér annan heim, ljúka upp leyndardómum. Þannig áttu í nánu samtali við manneskju sem þó er ekki á staðnum. Í sýningunni FjarVera býður hópur fólks með ólíkan bakgrunn gestum, einum í einu,  að fara um heimili sitt og velta því um leið fyrir sér hvað það þýði að vera til staðar í eigin lífi, að vera virkur, að nota skilningarvitin. Í hverju felst nærvera og hvað er það sem aðskilur og sameinar okkur sem manneskjur?
Steinunn Hildigunnur Knúts-Önnudóttir hefur verið meðal brautryðjenda í framsæknum sviðslistum hérlendis, meðal annars sem listrænn stjórnandi Áhugaleikhúss atvinnumanna og Netleikhússins Herbergi 408. Í verkum sínum sneiðir hún jafnan hjá hinu augljósa og fær áhorfendur frekar með sér í samtal og rannsókn á mannlegu eðli. FjarVera er hluti af doktorsverkefni hennar Hversu lítið er nóg? við Háskólann í Lundi, þar sem hún er að vinna að listrannsókn með sjálfbærni að leiðarljósi. Steinunn er forseti sviðslistadeildar Listaháskóla Íslands.

HljóðMyndir 

Yfirtökusería Klúbbsins: Hringleikur

Eldblóm

Yfirtökusería Klúbbsins: Dragsúgur

Yfirtökusería Klúbbsins: Post-dreifing

Epicycle

María Rún Þrándardóttir

Sirkusstjórinn

Í leit að töfrum

Gilbert & George: The Great Exhibition

Sérstæða

Listafólk

Viðburðir

Önnur verkefni