Jacob Collier

Einstök tónleikaupplifun!
 
„Ég hef aldrei á ævinni séð aðra eins hæfileika,” sagði goðsögnin Quincy Jones um hinn unga Jacob Collier sem kemur fram á Listahátíð í Reykjavík 16. júní í Eldborg.
Þessi fjölhæfi og einlægi tónlistarmaður þykir engum líkur á sviði og nær magnaðri tengingu við áhorfendur. Hann sló fyrst í gegn fyrir um áratug síðan með eigin útsetningum á þekktum lögum þar sem hann raddaði margfalt með sjálfum sér og lék á öll hljóðfæri. Hann er í dag sexfaldur Grammy-verðlaunahafi sem hefur komið fram með fjölbreyttum hópi tónlistarfólks og nýtur ómældrar virðingar og vinsælda í tónlistarheiminum. Hann hefur unnið með jafn ólíku tónlistarfólki og Hans Zimmer, Coldplay, Brandi Carlile, BTS, Stormzy, Pharrell Williams og Aliciu Keys. Tónlistarsköpun hans lýtur sínum eigin lögmálum og þar kallast á heimur djassins, sálartónlistar og R&amp;B, popps og jafnvel klassískrar tónlistar. Á tónleikunum í Eldborg fáum við að sjá hann í elementinu sínu þar sem hann grípur í ólík hljóðfæri og stekkur á milli tónlistarstíla.
Á <a rel="noopener noreferrer" href="https://www.tiktok.com/@jacobcollier?_t=8jgP2QgkM7c&amp;_r=1" target="_blank">TikTok</a> og <a rel="noopener noreferrer" href="https://www.instagram.com/jacobcollier?igsh=MWV0ZXFxanQ1YWUzag==" target="_blank">Instagram</a> er Jacob Collier einn sá allra vinsælasti meðal tónlistaráhugafólks.
 
„Einn eftirsóttasti tónlistarmaður heims.” - Rolling Stone
„Sláandi, einstakur flutningur.” - The Guardian

Óþekktur hlutur á pokasvæði sálar minnar

Brot úr framtíð

Í lausu lofti

Hér á ég heima

Er þetta norður?

Eden

Kiosk 108

INTO Festival

While in battle I'm free, never free to rest

SCOOOOOTCH!

Dúettar

Las Vegan

Listafólk

Viðburðir

Önnur verkefni