Quarantine

12 lokalög

Richard Gregory

Simon Banham

Mike Brookes

Sarah Hunter

Lowri Evans

Lisa Mattocks

Leentje Van de Cruys

Renny O'Shea

Ilmur Kristjánsdóttir

Rýmin og skáldin I-VI

Ólafur Ásgeirsson

Unnsteinn Manuel Stefánsson

Stórtónleikar Hljómskálans

Kate Daley

Þjóðin á svið í Hörpu!
 
12 lokalög er umfangsmesta verkefni Listahátíðar í ár enda stíga þar rúmlega þrjátíu manns á svið. Þau eru ekki leikarar heldur vinnandi fólk úr íslensku samfélagi. Allt frá hádegi til miðnættis mætir alls konar fólk á vakt, sinnir sínum störfum, segir okkur frá vinnunni og sjálfu sér um leið. Málari málar vegg, söngvari tekur lagið, stjörnufræðingur segir frá lögmálum himingeimsins, ljósmóðir leiðir okkur í allan sannleika um fæðingu nýs lífs …
Í þessu óvenjulega, stórskemmtilega og áhrifaríka verki býðst okkur að upplifa fjölbreytta mannlífsflóru Íslands í dag, hitta fólk sem verður ekki endilega á leið okkar í hvunndeginum, velta fyrir okkur tímanum og tilverunni og skyggnast inn um ótal margar dyr sem oftast standa okkur lokaðar.
Hinn rómaði sviðslistahópur Quarantine á sér bækistöðvar í Manchester en hefur ferðast víða með sýningar sínar sem eiga það sameiginlegt að draga fram óvæntar hliðar á manneskjunni. 12 lokasöngvar hafa hlotið frábærar viðtökur áhorfenda og gagnrýnenda.
Sýningin stendur yfir í 12 tíma, aðgangur er ókeypis og áhorfendum er frjálst að koma og fara að vild. Sýningin er unnin í samstarfi við Hörpu.
 
Frá leikstjóra
Ein af ósýnilegu vörðunum á leið okkar yfir á fullorðinsárin er ef til vill þegar spurningin breytist út: “Hvað langar þig að verða?” í: “Hvað gerir þú?”
Að vera og gera. Fyrir mörg okkar er sjálfsmyndin að mörgu leyti samtengd vinnunni okkar, í það minnsta á meðan við sinnum henni.
Vinnan okkar í Quarantine felst í því að draga upp eins konar fjöldaportrett. Stutt og viljandi ófullkomin brot af lifandi myndum af fólki sem eru saumuð saman í eitthvað stærra, flóknara og mennskara á stærri skala. Starf okkar er að skapa aðstæður þar sem annað fólk getur sett sig á svið, í örstutta stund að minnsta kosti. Það er okkar hlutverk sem listafólks að velja hvernig við stillum upp myndarammanum sem þið horfið inn í – þess vegna reynum við að koma upp um okkur, að fletta ofan af aðferðunum okkar, til að þið sjáið hvernig við höldum á rammanum …
Og nú erum við komin til Reykjavíkur í fyrsta sinn. Við komumst snemma að því – á Zoom-fundum síðustu mánaða með hinu frábæra hátíðarteymi og á æfingum síðustu vikuna með íslensku flytjendunum þremur – að það eru nú þegar ótal tengingar á milli fólksins í þessari borg. Nánast allir sem taka þátt eru beintengdir einhverjum öðrum – þessi voru saman í leikskóla, þetta er tengdamamma þeirra, presturinn jarðsöng ömmu þeirra og svo framvegis og framvegis … Og samt gera 12 lokalög dálítið annað líka – við kröfsum okkur undir yfirborð hvunndagsins til þess að gefa innsýn í upplifun hverrar vinnandi manneskju sem kemur fram hér í dag, og afhjúpum þannig bæði hvað það er sem gerir hvert okkar einstakt og sömuleiðis mennskuna sem tengir okkur öll.
Á þessum 12 klukkustundum, rétt eins og í lífinu utan við Hörpu, munum við ef til vill uppgötva að það sem aðgreinir okkur getur auðgað okkur frekar en sundrað …
Richard Gregory  Leikstjóri, 12 lokalög
 
Eftir: Quarantine ​​Hugmynd &amp; leikstjórn: Richard Gregory Sviðshönnun: Simon Banham Ljósahönnun: Mike Brookes Listakona &amp; aðstoðarleikstjóri: Sarah Hunter Stafræn list: Lowri Evans &amp; Lisa Mattocks Spurningahöfundar: Sarah Hunter, Leentje Van de Cruys &amp; Quarantine Dramatúrgía: Renny O’Shea, Sarah Hunter &amp; Leentje Van de Cruys Flytjendur: Ilmur Kristjánsdóttir, Kate Daley, Ólafur Ásgeirsson og Unnsteinn Manuel Stefánsson

Listafólk

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Viðburðir

Önnur verkefni