Dieter Roth

Tími rými tilvera

Hugsuðir

SAGA - Þegar myndir tala

Skartgripir Dieters Roth

Björn Roth

Ferðalag - Eiðar, Listasetur, Fljótsdalshérað

Ferðalag - Skaftfell, miðstöð myndlistar á Austurlandi

Píanó - Sýning og gjörningar í Listasafni Íslands

Ferðalag - Sláturhúsið, Menningarsetur á Egilsstöðum

Fantasy Island

Dieter Roth (1930-1998) var í senn brautryðjandi sem virti engar takmarkanir, hugsuður, frumkvöðull, skáld, tónlistarmaður, kvikmyndagerðarmaður og listmálari. Færri vita að hann vakti jafnframt athygli fyrir nýsköpun sína í skartgripagerð. Skartgripi Dieters, sem hann hannaði gjarnan úr skrúfum, boltum og öðrum mekanískum hlutum, má setja saman á mismunandi vegu og breyta. Nálgun hans við skartgripagerð var sú sama og einkenndi myndlist hans – að nýta ýmiss konar efni sem almennt væri talið rusl eða úrgangur og umbreyta því. Engir gripanna eru eins enda gerði Roth aldrei skissur að verkum sínum heldur brást við efniviðnum og vann hugmyndir sínar beint í hann hverju sinni.
Fyrstu skartgripirnir sem Dieter hannaði voru unnir í samstarfi við konu hans, Sigríði Björnsdóttur heima á eldhúsborðinu. Seint á sjötta áratug síðustu aldar hófu svo Dieter og svissneski gullsmiðurinn Hans Langenbacher samstarf á vinnustofu þess síðarnefnda í Reykjavík enda hrifust þeir mjög af vinnubrögðum, efnisnotkun og færni hvors annars.
Í Listasafni Íslands gefst nú í fyrsta sinn tækifæri til að bera einstaka skartgripi Dieters augum í heildstæðu samhengi. Sýningin ber tilraunagleði hönnuðarins og óvenjulegum vinnuaðferðum glöggt vitni og varpar nýju ljósi á verk þessa einstaka listamanns.
 
Sýningarstjóri: Björn Roth Sýningarnefnd: Harpa Þórsdóttir &amp; Vigdís Rún Jónsdóttir Samstarfsaðilar: Dieter Roth Foundation Hamburg, Edizioni Galleria Periferia Luzern, Hauser &amp; Wirth Zurich

Listafólk

Viðburðir

Viðburðir

Önnur verkefni