Ingibjörg Friðriksdóttir

Meira Ástandið 

Listagjöf til þjóðarinnar

Daría Sól Andrews

Verkið Meira Ástandið/Quite the Situation eftir hljóðlistakonuna Inki (Ingibjörgu Friðriksdóttur) liggur á óljósum landamærum tón- og sjónlistar. Í þessari einstöku upplifun er gestum Listahátíðar boðið inn í listaverkið sjálft, þrískipt verk þar sem að bókverk verður að tónverki og tónverk að orðalausu samtali. Ólíkir miðlar leika saman og mynda upplifun þvert á skynfæri, sem er allt í senn heildstæð og brotakennd, húmorísk en þankavekjandi. Efniviður verksins eru greinaskrif Íslendinga frá „Ástandsárunum“. Verkið fjallar þó ekki um Ástandið. Fremur er það samtal um samtímann með tungumáli fortíðarinnar. Verkið er sýnt í skála á hæð K2 í Hörpu, og er tæpur hálftími að lengd. Það er sýnt í hringrás sem endurtekur sig og gestum er frjálst að ganga inn í verkið hvenær sem er. Mælt er þó með að upplifa verkið frá upphafi, ný sýning hefst á hálftíma fresti. Meira Ástandið/Quite the Situation er hluti af Platform GÁTT á Listahátíð í Reykjavík 2020. Platform GÁTT er verkefni Norrænu ráðherranefndarinnar sem er leitt af Listahátíð í Reykjavík. Meginmarkmið verkefnisins er að „opna dyr“ fyrir unga listamenn á hátíðarvettvang á Norðurlöndum. Aðilar að Platform GÁTT eru Listahátíðin í Bergen, Nuuk Nordic Culture Festival, Listahátíðin í Helsinki og Norræna húsið í Færeyjum ásamt Listahátíð í Reykjavík. Meira Ástandið/Quite the Situation er styrkt af Launasjóði listamanna, The Headlands Center of the Arts, Tónlistarsjóði og Hljóðritasjóði.

Listafólk

Viðburðir

Viðburðir

Önnur verkefni